ஈஸி கேசரிதேவையானப்பொருட்கள்:ரவா - 1 கப்
சர்க்கரை - 1 கப்
நெய் - 4 tsp
முந்திரிப்பருப்பு - 10
திராட்சை - 10
ஏலக்காய் பொடி - 1/4 tsp
கேசரி கலர் -சிறிது
செய்முறை:ஒரு வாணலியில் 1 tsp நெய்யை விட்டு, அதில் ரவாவைப் போட்டு வாசனை வரும் வரை வறுத்து எடுத்து தனியாக வைத்துக் கொள்ளவும்.
அதே வாணலியில் சிறிது நெய்யை விட்டு, முந்திரி, திராட்சை ஆகியவற்றையும் வறுத்து எடுத்து வைத்துக் கொள்ளவும்.
அடி கனமான ஒரு பாத்திரத்தில், இரண்டு கப் தண்ணீர் விட்டு கொதிக்க வைக்கவும் அதில் கேசரி கலர் கலந்துவிடவும்
தண்ணீர் கொதிக்க ஆரம்பித்ததும், அடுப்பை சிறு தீயில் வைத்து, ரவாவை கொஞ்சம் கொஞ்சமாகக் கொட்டிக் கை விடாமல் கிளறவும்
ரவா எல்லா நீரையும் இழுத்துக் கொண்டு, நன்றாக வெந்துக் கெட்டியானதும், அதில் சர்க்கரை சேர்த்துக் கிளறவும்
நன்றாகக் கிளறிய பின் நெய் சேர்த்து மீண்டும் கிளறவும்.
கேசரி பாத்திரத்தில் ஒட்டாமல் வரும் பொழுது அதில் வறுத்து வைத்துள்ள முந்திரி, திராட்சை, ஏலக்காய் பொடியைச் சேர்த்துக் கிளறி இறக்கி வைக்கவும்.
நன்றி கதம்பம் ப்ளாக்
